Skilaréttur og endurgreiðslur
Við hjá Loppuvinum viljum að þú sért ánægð/ur með kaupin þín. Ef þú ert ekki fullkomlega sátt/ur getur þú nýtt þér 14 daga skilarétt frá móttöku vörunnar, að uppfylltum skilyrðum hér að neðan.
Almennt um vöruskil
Viðskiptavinur hefur 14 daga rétt til að falla frá kaupum í samræmi við gildandi lög um neytendarétt.
Til að vara teljist hæf til skilunar þurfa eftirfarandi skilyrði að vera uppfyllt:
- Skilafrestur er 14 dagar frá því að varan er afhent viðtakanda.
- Varan þarf að vera ónotuð, óopnuð, í upprunalegum umbúðum og í söluhæfu ástandi.
- Greiðslukvittun eða staðfesting á kaupum þarf að fylgja með.
- Endursending vöru er á ábyrgð og kostnað kaupanda, nema um ranga eða gallaða vöru sé að ræða.
- Sendingarkostnaður er ekki endurgreiddur, nema um ranga eða gallaða vöru sé að ræða.
Loppuvinir áskilja sér rétt til að hafna vöruskilum ef framangreind skilyrði eru ekki uppfyllt.
Undantekningar frá almennum skilareglum
Opnað fóður
Af öryggis- og hreinlætisástæðum er almennt ekki hægt að skila opnuðu hunda- eða kattafóðri, þar sem það telst ekki lengur söluhæft.
McAdams Sensitive Turkey 2 kg – Ánægjuábyrgð
Við erum svo sannfærð um gæði McAdams Sensitive Turkey 2 kg að við bjóðum sérstaka ánægjuábyrgð.
Ef hundurinn þinn vill ekki fóðrið færðu 100% endurgreiðslu á kaupverði vörunnar, að því gefnu að að minnsta kosti 1 kg sé eftir í pokanum þegar honum er skilað.
Ánægjuábyrgðin gildir eingöngu um McAdams Sensitive Turkey 2 kg og nær ekki til annarra fóðurtegunda eða pakkastærða.
Rangar eða gallaðar vörur
Ef þú færð ranga eða gallaða vöru afhenta skaltu hafa samband við okkur eins fljótt og auðið er.
Loppuvinir greiða kostnað vegna endursendingar á röngum eða gölluðum vörum og leitast við að leysa málið eins fljótt og kostur er.
Endurgreiðslur
Þegar móttekin vara hefur verið yfirfarin og staðfest að skilyrði fyrir vöruskilum séu uppfyllt verður endurgreiðsla framkvæmd.
Endurgreiðsla fer að jafnaði fram innan 14 daga frá því að varan hefur borist Loppuvinum eða frá því að fullnægjandi staðfesting á endursendingu hefur borist, eftir því hvort kemur fyrr.
Endurgreiðsla fer fram með sama greiðslumáta og notaður var við kaupin, nema annað hafi verið sérstaklega samið um.
Hvernig skila ég vöru?
Ef þú vilt skila eða skipta vöru skaltu hafa samband við okkur áður en varan er send til baka.
Netfang: loppuvinir@loppuvinir.is
Sími: 662 2370
Við leiðbeinum þér um næstu skref og aðstoðum þig við vöruskil eða skipti.
Lögbundinn réttur neytenda samkvæmt íslenskum lögum takmarkast ekki af þessum skilmálum.